هستولوجي الجهاز التنفسي ج1

 هستولوجي الجهاز التنفسي

 ايه هي عمليه التنفس-بتكون عباره عن استبدال غاز الاكسجين اللي بيبقى موجود في الهواء مع ثاني اكسيد الكربون اللي بيخرج من العمليات الحيويه اللي بتحصل من الجسم 

اول حاجه كده هنتكلم عن مكونات الممر التنفسي 

1- الانف       

2-البلعوم الانفي (naso pharynx)

3-الحنجره (larynx)

4-القصبه الهوائيه (trachea)

5- الشعبتان الهوائيتان (bronchi)

6- الشعيبات الهوائيه اما نهائيه او تنفسيه (terminal-respairatory bronchioles) 

7-الحويصلات الهوائيه (alveoli)

8-القنوات الحويصبيه (alveolar ducts)

                                                                  

الممر التنفسي بيتكون من منطقتين اساسيتين 

1-منطقه التوصيل (conducting zone )

2-منطقه التنفس (respairatory zone)

هما الاتنين مع بعض بيكونو الجهاز التنفسي او الممر التنفسي 

منطقه التوصيل -conducting zone

 

ودي الشغلانه بتاعتها انها بتوصل الاكسجين من بره الجسم  لجواه وبتوصل ثاني اكسيد الكربون من جوا الجسم لبراه من غير العمليات الصعبه  اللي بتحصل جوا 

بالاضافه لانها بتوصل الهوا فهيا بتفلتره وتظبطه وتنعننشه وهيا مدخلاه للجسم عشان الجسم ميزهقش منه 

فلو الهوا اللي جاي من بره سخن تبرده ولو ساقع تدفيه لو في اتربه وميكروبات تنضفه كده وتخليه جميل 

 

طب هيا منطقه التوصيل بتتكون من اي 

من جميع مكونات الممر التنفسي ماعدا 

1-(الشعيبات الهوائيه التنفسيه respiratory bronchioles) 

2-(الحويصلات الهوائيه alveoli) 

3-(القنوات الحويصيليه alveolar ducts) 

نروح بقي للجزء الهستولوجي في الموضوع 

-منطقه التوصيل بتكون معظمها مش كلها متغطيه بعشاء اسمه الغشاء المخاطي التنفسي(respiratory mucosa)

-لكن هتقول لي يا زميلي فين الجزء الهستولوجي في الموضوع 

-اقول لك خليك معي

- الغشاء المخاطي التنفسي ده بيتكون من نسيج طلائي 

-لكن بردو هتقول ما النسيج الطلائي انواعه كتير 

-هقولك من نوع (pseudo stratefird cilliated columnar epethelim with goplet cells )

-طبعا زي ما انتم عارفين ان اي نسيج طلائي لازم يكون تحته نسيج ضام عشان يغذيه وهنا بيكون اسمه (lamina propia)

واللي هنا بيكون فيه شويه حبشتكنات كده عشان يعرف يشتغل كويس مع الطبقه اللي فويقيه وهيا الغشاء المخاطي التنفسي او respairatory mucosa 

-ومن الحبشتكنات دي 

1. انه فيه اوعيه دمويه كتير عشان تمد الغشاء التنفسي بالدم والتغذيه ده غير مهمه تكييف الهوا اللي قولنا عليها

2. انه بيكون ماسك كويس بالعضم اللي تحتيه تحديدا طبقه الperi osteum  او في الغضروف اللي تحتيه تحديدا طبقه الperi chonderim عشان ميحصلش collapse ويطبق الممر التنفسي علي بعضه ويتقفل لكن لكن بعض الميزه دي كده الممر التنفسي يفضل مفتوح حتي في عمليه الزفير لما الهوا يخرج من الجيوب الانفيه 

3. بيكون فيه خلايه مناعيه عشان تقتل البكتيريا والميكروبات اللي داخله مع الهواا عشان تبلطج علي جسمك فتوقفها عند حدها اصل الجهاز التنفسي مش هفيه يعني 

            ومن انواع الخلايا المناعيه دي  

1- plasma cells 

2- mast cells

3- lemphoid nidules 

-ده غير كمان ان بيكون فيه غدد اسمها mucoserous glands واللي الافرازات بتاعتها مع افرازات الgoblet cells بتشتغل اكنها بطانيه من المخاط بتغطي الممر التتفسي بالكامل فتقوم الخلايا المناعيه تمسك الميكروبات تلزقها في المخاط فمتعرفش تتحرك اكنها محبوسه تقوم جايه بقا الاهداب بتاعت النسيج الطلائي اللي قولنا عليها تحرك المخاط  اكنها بالظبط عربيه الترحيلات اللي هتخرج الميكروبات بره الجسم وتقعد تمشي لحد متوصل للبلعوم علي هيئه بصاق او بلغم يا تخرجه من بقك يا تبقي عيل منتن وتبلعه وينزل معدتك وهيخرج برده بره جسمك بس من حته تانيه مش هقولك عليها 

-اكيد عرفتها دلوقتي 

-وقولنا بردو ان المخاط ده بيرطب الهوا اللي داخل عشان الممر التنفسي ميبقاش ناشف وتحس باحساس يزهقك وانته بتتتفس 

-ونرجع تاتي للجزء بتاع ان ال lamina propria بيكون فيها اوعيه دمويه بتكيف الهوا اللي داخل عن طريق التبادل الحراري بين الهوا اللي داخل والدم اللي ماشي في الاوعيه الدمويه 

-احنا قولنا ان الغشاء التنفسي بيغطي معظم الممر التنفسي واكدنا علي معظم دي ليه

-لان في نوع تاني بيغطي شويه مناطق كده في الممر التنفسي وهوا الغشاء المخاطي المسؤول عن الاحساس بالروائح (olfactory mucosa)

-ده بيكون منطقه مخصصه موجوده في نهايه التجويف الانفي مسؤول عن الاحساس بالروائح بسبب وجود عده خلايا زياده عن ال respirstory mucosa  

-بس فيه اختلاف عنه واحد كده ان الخلايا نوع الخلايا مش مهدب معليهوش اهداب او (pseudo stratefird non-cilliated columnar epethelim with goplet cells )

-,قلنا ان في خلايا زياده وهيا 

1. الخلايا المسؤوله عن الاحساس بالروائح (olfactory cells)

2. الخلايا الداعمه (supporting cells ) ودي بتدعم ال olfactory cells وبتثبتها 

3. الخلايا الحزعيه(basel cells)  ودي بتعوض النقص والاضرار اللي بيحصل للخلايا اللي فوقيها دي

نتكلم عن ال olfactory cells شويه 

                                                                          

  -هيا بتكون خلايا من ماده شبيهه للخلايا العصبيه مكونه من قطبين bipolar يعني 

  القطب الاول وهوا المسؤول عن استقبال الروائح بسبب احتوائه علي حويصلات الشمolfactory vesicles    وده بتكون مهدبه

  وهياا الجزء الوحيد في النسيج ده اللي بيكون مهدب  

- والقطب التاني بيكون عباره عن المحور اللي زي المحور الموجود في الخليه العصبيه 

- وتحت الغشاء ده في نسيج ضام بردو زي ما قولنا اسمه lamina propia بردو وبيكون فيها اعصاب متصله بالمحور بتاع       الخليه اللي في الطبقه اللي فوقيها عشان توصل للمخ ونقدر نتعرف علي الرائحه اللي احنا شمينها 

ده غير بردو ان في النسيج الضام ده بردو غده اسمها غده بومان bowman‘s gland ودي متصله بالطبقه اللي فوقيها وشغلتها انها بتفرز ماده شبه الماء بتعمل علي اذابه الروائح عشان تسهل اكتشافها بال olfactory cells 

 

وكده ال conducting zone لسه فاضل فيها شويه حاجات كده هبقي انزلها انصحك تسمع للدكتور ايمان بعد قرايه الموضوع ده ده عباره عن انه بيسهل الفهم شويه او بيديك نبذه عن الموضوع او عشان الناس اللي مبتفتحش كتب زي حالاتي ودي مقارنه ممكن متعرفش تشوفها خليك متكي عليها واعمل عرض للصوره هتظهرلك وفقكم الله

.